عبر صفحتها على الفيس

فنانة معتزلة تحمل جمهورها ذنب مشاهدتها ونشر صورها

فنانة معتزلة تحمل جمهورها ذنب مشاهدتها ونشر صورها
الوئام - متابعات

وجهت الفنانة حلا شيحة رسالة لجمهورها عبر صفحتها الرسمية “فيس بوك”، تعبر فيها عن استيائها الشديد بسبب نشر صور لها على مواقع التواصل الاجتماعى من أفلامها الفنية القديمة.

وقالت حلا إنها تخاف من الله وحده وتتسم بالقوة وتدعو دائماً بالثبات، وليست نادمة على أى شىء مر فى حياتها لأنها كانت وقتها فى سن صغيرة.

وأضافت حلا، “عاوزة أوضح حاجة بسيطة.. أى حد بيتعمد ينزل لى صورة من أفلامى السابقة على صفحتى لن يستفزنى أبداً بفضل الله والذنب مش أنا اللى هخده ده هيكون كله على الشخص اللى سولت له نفسه الأمر ده”.

وتابعت الفنانة الكبيرة، “أنا بخاف من الله وحده الحمد لله قوية جدا بالله وحده ثم الدعاء وأدعو الله الثبات فى كل لحظة فى يومى وأنا ذقت الحياة بعيد عن الله وبالقرب منه، ولا أتخيل أن تعود حياتى كالسابق والحمد لله أنا بنت ناس طيبين وعائلة طيبة ولى فى حياتى السابقة بعض الأخطاء لكن أخطاء بنت فى سن صغيرة شىء وارد ولابد منه”.

وأوضحت حلا أن الإنسان يخطئ ولابد أن يخطئ وإلا فكيف يعرف الصواب، لست نادمة على شىء من حياتى لأن كل ما مضى قادنى إلى الله ومحبته والتعلق به، الدنيا دار اختبار لكل الناس إحنا جينا هنا لحكمة عظيمة ولهدف.

وأضافت حلا، “لو الإنسان مسألش نفسه وحاسب نفسه كل فترة هيعيش كدة وخلاص، لازم نسأل نفسنا إحنا مين وهنا ليه وأيه السبب فى وجودنا، أسئلة غيرت حياتي و حياة ناس كتير ، واللي بيسأل بصدق غير اللي بيضحك علي نفسه بشوية اوهام تريحه و حيصدقها و خلاص، علشان كدة بقول لأى حد بيحاول يأذينى على الصفحة أو يقول كلام عنى بيحاول بيه يضايقنى أقوله متحاولش معايا وصعب تعرف لأن مصدر قوتى وصبرى واستمرارى فى طريقى من الله القوى المتين الجبار العزيز اللى لو كنت تعرف قدره مكنتش حتى فكرت إنك تأذى نفسك، أيوة أنت فعلاً أذيت نفسك أما أنا ففوضتُ أمرى إلى الله والله المستعان على ما تصفون”.

التعليقات (٠) اضف تعليق

التعليقات مغلقة

شاهد النسخة الكاملة للموقع